Në Moskë është mbajtur të premten shërbimi funeral për ambasadorin e ndjerë rus në Kombet e Bashkuara, Vitaly Churkin.
Ministri i Jashtëm rus, Sergei Lavrov, tha se Churkin “ka qenë një diplomat i shkëlqyeshëm”.
“Po i themi lamtumirë mikut tonë, një diplomati të shquar të kohëve moderne. Një person që gjithmonë ka arritur rezultatet maksimale të mundshme kudo që e ka dërguar atdheu”, tha Lavrov.
Churkin ka vdekur në Nju Jork, më 20 shkurt, një ditë para se t’i mbushte 65 vjet.
Të premten, misioni rus në Kombet e Bashkuara njoftoi se zëvendësi i Churkinit, Pyotr Ilyichev, është emëruar ushtrues i detyrës së ambasadorit.