Merkel: S’ka justifikim për krahasimin që Erdogan bëri me periudhën naziste

Evropë

Merkel: S’ka justifikim për krahasimin që Erdogan bëri me periudhën naziste

Më: 6 mars 2017 Në ora: 16:29
Kancelarja gjermane, Angela Merkel

Kancelarja gjermane, Angela Merkel ka thënë sot se “absolutisht nuk ka asnjë justifikim” për komentet e presidentit turk, Recep Tayyip Erdogan, i cili e krahasoi vendimin e Gjermanisë për ndalimin e disa tubime politike me “veprimet fashiste”, të kohës së naziste.

Merkel tha se komentet e Erdoganit shërbejnë për të trazuar vuajtjet e të prekurve nga krimet naziste.

Kancelarja gjermane pranoi se mes Ankarasë dhe Berlinit ka dallime të thella mbi shumë çështje, siç është liria e medias dhe sa i përket arrestimit të gazetarit gjermano-turk, Deniz Yucel, raporton Reuters.

Sidoqoftë, ajo tha se Gjermani vazhdon të jetë e përkushtuar për lirinë e medias, për shpehjen e mendimit dhe do të vazhdojë të lejojë politikanët turk të bëjnë fushatë në Gjermani për referendumin për ndryshimet kushtetuese, por këto vizita duhet të njoftohen me kohë dhe të respektojnë ligjet gjermane.

Sot mund të lexoni Shfletoni kopertinat