Kryeministri serb Aleksandar Vuçiq, sot pasdite në Berlin do të takohet me kancelaren gjermane Angela Merkel, duke iu referuar kabinetit të kryeministrit.
Takimi i tyre i dhjetë, paraprakisht i planifikuar për të premten, 17 mars është spostuar më përpara sepse ndërkohë është anuluar takimi i kancelares gjermane me presidentin amerikan Donald Trump.
Tema e bisedës mes Vuçiqit dhe Merkelit do të jenë raportet bilaterale, çështjet rajonale, politika dhe ekonomia evropiane, si dhe politika migruese, deklaroi paraprakisht zëvendës-zëdhënësi i Qeverisë gjermane Ulrike Demer.
Bëhet fjalë për çështje aktuale, sidomos për rajonin e Ballkanit Perëndimor, por edhe për çështje që këtyre ditëve ndodhet në agjendën e institucioneve më të larta evropiane në Bruksel.
Merkel e anuloi vizitën në Washington, ku është pritur të takohet me Trumpin, për shkak të avancimit të shpejtë të stuhisë dimërore, e cila pritet ta godasë verilindjen e SHBA-së