Policia ka arrestuar një 17 vjeçar në qytetin jugor francez të Grasse, pasi dy persona janë lënduar nga të shtënat në një shkollë, duke shkaktuar një alarm për sulm terrorist.
I dyshuar i dytë është në arrati dhe sipas mediave francze bëhet fjalë për një incident në mes të dy nxënësve.
Focat antiterror janë dërguar në vendin e ngjarjes.
Grasse, kryeqyteti i industrisë parfumerike franceze, është rreth 44km (27 milje) nga qyteti i Nicës, ku një sulm me kamion në korrik la të vrarë 86 persona.
Franca mbetet në një gjendje të jashtëzakonshme, pas një serie sulmesh vdekjeprurëse në 18 muajt e fundit.
