Kryetari i Londrës, Sadiq Khan, i është përgjigjur sulmit terrorist në kryeqytetin e Britanisë së Madhe, duke u zotuar se londinezët “asnjëherë nuk do t’i përkulen terrorizmit”, shkruan The Guardian.
Këtë deklaratë kryetari Khan e ka dhënë pasi u kritikua shumë për heshtjen e tij pas sulmit që la të vdekur pesë persona nga sulmi afër Parlamentit të mërkurën pasdite.
Të paktën pesë persona kanë vdekur pasi një burrë i armatosur ka sulmuar këmbësorët në urën tek Westminister e më pas ka qëlluar me thikë një polic përballë ndërtesës së parlamentit.
Sulmuesi më pas është qëlluar me armë nga oficerët e policisë.
“Londra pa një sulm të tmerrshëm afër Parlamentit, sulm të cilin ne po e cilësojmë si terrorist”, ka deklaruar ai.
