Një ish- deputet rus i cili u largua në Ukrainë vitin e kaluar është qëlluar për vdekje jashtë një hoteli në kryeqytetin Kiev.
Denis Voronenkov dhe truproja e tij u sulmuan me të dalë nga hoteli Premier, në qendër të qytetit.
Truproja e tij kishte qëlluar drejt sulmuesit dhe të dy u plagosën, sipas medias vendase.
Voronenkov ishte një figurë e diskutueshme, i cili la Rusinë për shkak të akuzave për mashtrim.
Dëshmitarët thonë se dëgjuan shtatë të shtëna jashtë hotelit.
“Është re mundur që vrasja ishte kryer me pagesë”, tha shefi i policisë në Kiev Andriy Kryshchenko për 112 Ukrayina TV.
Presidenti Petro Poroshenko shkoi edhe më tej, duke e akuzuar Rusinë për "terrorizëm shtetëror".
Ai gjithashtu i ka lidhur të shtënat me një seri shpërthimesh në një depo municioni pranë Kharkiv, në veri-lindje të Ukrainës, duke e përshkruar atë si "stilin e nënshkrimit të shërbimeve speciale ruse".
