Hollande mbledh këshillin e sigurisë pas sulmit në Paris - Bota Sot
Hollande mbledh këshillin e sigurisë pas sulmit në Paris

Evropë

E premte, 22 shtator 2017

Hollande mbledh këshillin e sigurisë pas sulmit në Paris

Më: 21 prill 2017 Në ora: 13:44
Presidenti francez, François Hollande

Presidenti francez, François Hollande mblodhi të premten këshillin e tij të sigurisë, një ditë pasi një polic u qëllua në Champs-Elysees, në një nga atraksionet më të mëdha turistike të kryeqytetit francez.

Grupi ekstremist i Shtetit Islamik mori përgjegjësinë për të shtënat, të cilat ndodhën tre ditë përpara zgjedhjeve presidenciale të vendit.

Kryeministri Bernard Cazeneuve dhe ministri i Brendshëm, Matthias Felk ishin midis zyrtarëve kyç në takim, sipas një lajmi në Twitter nga zyra e presidentit.

Prokurori i Parisit, Francois Molins tha dje se sulmuesi ishte identifikuar edhe pse nuk pranoi të jepte detaje të tjera, duke thënë se hetuesit donin të përcaktonin nëse kishte ndonjë bashkëpunëtor.

”Sulmuesi u tërhoq pranë një makine të policisë në sheshin qendror të Parisit dhe hapi zjarr duke vrarë një nga oficerët në automjet”, tha zëdhënësi i Ministrisë së Brendshme Pierre-Henry Brandet.

Më pas, ai u përpoq të ikte më këmbë duke qëlluar akoma dhe duke plagosur dy oficerë të tjerë përpara se të vriteshin. Një turist i huaj gjithashtu u plagos lehtë.

Të dielën, Franca do të zhvillojë raundin e parë të zgjedhjeve presidenciale.

Kandidati kryesor, Emmanuel Macron tha se do të anulonte takimet elektorale në Rouen dhe Arras, në veri të vendit, pas sulmit.

Komentet
comments powered by Disqus
Sot mund të lexoni Shfletoni kopertinat
Sondazh
    test