Partia konservatore e Angela Merkel fitoi sot në zgjedhjet rajonale në veri të Gjermanisë, në landin Schleswig-Holstein sipas rezultateve nga televizioni publik duke forcuar statusin e favoritit të kancelares në kuadër të zgjedhjeve në muajin shtator.
“Kristiandemokratët e CDU-së morën 33-34 për qind të votave në shtetin rajonal të Schleswig-Holstein, në rritje në raport me zgjedhjet e mëparshme të vitit 2012, kundër 26-27 për qind për partinë social-demokrate, që qeveris deri tani këtë rajon në kufi me Danimarkën”, sipas rezultateve nga stacionet televizive ARD dhe ZDF.
Schleswig-Holstein, landi verior i Gjermanisë, drejtohet aktualisht nga socialdemokratët, rivalët e saj të qendrës së majtë. Por kristiandemokratët e kancelares Merkel kryesonin me 32 për qind në sondazhet publike, ose tri pikë përpara kundërshtarëve të tyre socialdemokratë të SPD-së.
