Presidenti i Këshillit të Evropës, Donald Tusk, i cili do të mbikëqyrë bisedimet për daljen e Britanisë së Madhe nga Bashkimi Evropian, deklaroi të mërkurën se dëshiron që vendet anëtare të bllokut të jenë të drejta ndaj Londrës, duke mbajtur unitetin e vet.
“Ajo që mbetet për mua më e rëndësishme është që sjellja jonë në këto bisedime do të përfaqësojë BE-në në dritën më të mirë: në kushtet e unitetit, politikës të solidarizimit dhe drejtësisë ndaj Mbretërisë së Bashkuar”, tha Tusk para Parlamentit të Evropës, transmeton Reuters.