Turqia mbetet një kandidat për anëtarësim në BE, pavarësisht shqetësimeve të thella në lidhje me situatën në vend në drejtim të të drejtave të njeriut dhe sundimit të ligjit, e cila po pengon vazhdimin e negociatave, tha sot përfaqësuesja e lartë e BE-së për Politikë të Jashtme dhe Siguri, Federica Mogherini.
Deklarata e Mogherinit vie në krizën e madhe mes Turqisë dhe disa shteteve të BE-së, ku së fundi më së shumti janë ashpërsuar tonet mes zyrtarëve të Berlinit dhe Ankarasë, pas arrestimeve të aktivistëve të të drejtave të njeriut nga Gjermania dhe Suedia.