Sulmi në Hamburg, me motive “islamiste radikale”

Evropë

Sulmi në Hamburg, me motive “islamiste radikale”

Më: 31 korrik 2017 Në ora: 17:20
Pamje të vendit ku ka ndodhor sulmi në Hamburg

Prokurorët federal në Gjermani kanë thënë se personi i akuzuar për sulmin me thikë në një market në Hamburg, ka pasur motive “islamiste radikale”.

Në këtë sulm një person ka vdekur dhe gjashtë të tjerë janë lënduar.

“Duket se sulmi ka shenja të islamizmit radikal. Sipas hetimeve që po vazhdojnë ende, i akuzuari ishte i vetë-radikalizuar”, kanë thënë prokurorët përmes një deklarate.

Ata kanë shtuar se nuk kanë të dhëna, nëse i dyshuari, i identifikuar si Ahmad A., ishte anëtar i grupit militant, Shteti Islamik, apo ndonjë organizate tjetër terroriste.

I dyshuari, një palestinez i lindur në Emiratet e Bashkuara, nuk kishte arritur të fitonte azilin në Gjermani.

Autoritetet gjermane kanë thënë se i dyshuari ka treguar shenja të radikalizmit para nisjes së sulmit.

Mirëpo, ministri i Brendshëm i Hamburgut ka thënë më 29 korrik, se ai nuk ka qenë i njohur si person i rrezikshëm.

Sot mund të lexoni Shfletoni kopertinat