Një person ka humbur jetën në bursën e Londrës, pasi që kishte rënë nga ballkoni, transmeton Sky News.
Policia londineze njoftoi se po heton rrethanat e incidentit, i cili nuk konsiderohet i dyshimtë.
Personi kishte rënë sot nga kati i shtatë. Bursa e ka përshkruar viktimën si “koleg”.
Zyrtarë të ndihmës së shpejtë thanë se janë ftuar për shkak të rrëzimit të një personi në sheshin “Paternoster”, në të cilin ndodhet bursa e Londrës.
Ndihma e shpejtë njoftoi se personi kishte vdekur kur mjekët dolën në vendin e ngjarjes.