Presidenti i Islandës pranoi sot dorëheqjen zyrtare të qeverisë së qendrës së djathtë, por i kërkoi kryeministrit për të qëndruar në postin e tij deri në formimin e qeverisë së re.
Kryeministri Bjarni Benediktsson bëri kërkesë dje për organizimin e zgjedhjeve të reja, pas tërheqjes së një partie të koalicionit të qendrës së djathtë që shkaktoi rrëzimin e qeverisë së tij të formuar nëntë muaj më parë me çmimin e negociatave të vështira, duke nxitur një krizë të paprecedentë politike.
Zgjedhjet, sapo të shpallet zyrtarisht dorëheqja e qeverisë, priten të organizohen para fundit të vitit.
“Pranova dorëheqjen e kryeministrit, të cilit i dhashë besimin tim, si dhe qeverisë së tij, për të qëndruar në detyrë deri në miratimin e një qeverie të re”, deklaroi kreu i shtetit, Gudni Johannesson në një deklaratë të publikuar pas takimit me Benediktsson.
