Gazeta franceze “Le Monde” shkruan sot për lirimin e gazetarit, Loup Bureau, i cili ishte arrestuar në Turqi për terrorizëm.
Pas pesëdhjetë e një (51) ditë burgimi në Turqi, gazetari 27-vjeçar, Loup Bureau u kthye në Francë sot (të dielën) me aeroplani nga Stambolli që u ul në Roissy pak para orës 9:00, raporton Insajderi.
Në mëngjesin e së dielës, sekretari i përgjithshëm i Reporterëve pa Kufij, Christophe Deloire njoftoi në Twitter: “Loup është në fluturim “AF1391”, i cili u largua nga Stambolli në orën 6:13 sipas kohës lokale”.
Avokati francez i gazetarit 27 vjeçar, Martin Pradel, kishte qenë në dijeni të shtunën për lirimin e tij, ai u largua nga qyteti Sirnak në Turqinë juglindore, ku ishte ndaluar 51 ditë për të shkuar në Dijarbakir, pastaj në Stamboll dhe në fund për të mbërritur në Paris .
Lirimi i tij ndodhi pas një vizite të shefit të diplomacisë Jean-Yves Le Drian në Ankara, teksa lirimin e gazetarit e kishte kërkuar edhe presidenti Emmanuel Macron tek homologu i tij turk Rexhep Tajip Erdogan.
Gazetari 27-vjeçar akuzohet nga Ankaraja se i përket një “organizate terroriste të armatosur”, pasi u arrestua më 26 korrik në kufirin turko-irakian pasi zbuloi disa fotografi që e tregonin shoqërinë e sirianëve kurdë.
Pamje që datojnë, sipas mbrojtjes së tij, një raport mbi kushtet e jetesës të popullsisë siriane të realizuar në vitin 2013 dhe transmetuar në TV5 World.
Turqia rendit 155 nga 180 vendet në Indeksin e Lirisë së Shtypit të Reporterëve Pa Kufij (2017).
Rreth 170 gazetarë janë ndaluar në vend, sipas faqes së internetit të specialistëve P24. Gazetarët turk janë më të prekurat, mirëpo as kolegët e tyre të huaj nuk janë kursyer.
Në maj, Mathias Depardon, një fotoreporter i Francës, u arrestua gjithashtu në Turqinë juglindore, me dyshimin e “propagandës terroriste”. Ai u depërtua pas një muaji burgim dhe një mobilizim të madh.
