Një grua nga Danimarka, ka refuzuar që ta heq ferexhenë – veshjen fetare ku është e mbuluar fytyra dhe gjithë trupi, që të indetifikohej nga autoritete në aeroportin e Brukselit në Belgjikë.
Ajo është dëbuar nga aty dhe nuk është lejuar të fluturojë pasi, pra, nuk ka qenë e mundur që të identifikohej fytyra e saj, shkruan Aljazeera, përcjellë Klan Kosova.
Theo Frankcen, sekretari i shtetit të Belgjikës për azil dhe migracion ka konfirmuar incidentin.
“Një grua daneze me prejardhje nga Tunisi ka refuzuar që ta heq ferexhenë në pikën e kontrollit. Policia s’ka mundur ta identifikojë dhe më pas ajo është kthyer për në Tunis”, ka thënë ai në Twitter.
Ai nuk ka treguar se cili ka qenë identiteti i saj.