Fuqitë globale, duke përfshirë aleatët kryesorë të SHBA-së, kanë thënë se do të qëndrojnë pranë marrëveshjes bërthamore të Iranit, të cilën Presidenti i SHBA Donald Trump ka kërcënuar të anulojë, raporton BBC, përcjell “Bota sot”.
Trump të premten paralajmëroi se ai do të anulonte këtë marrëveshje.
Por, Mbretëria e Bashkuar, Franca dhe Gjermania u përgjigjën se marrëveshja ishte "në interesin tyre të përbashkët të sigurisë kombëtare".
Edhe qëndrimi i Bashkimit Evropian është se nuk është e mundshme që një shtet i vetëm të anuloj një marrëveshje, e cila është nënshkruar prej shteteve më të fuqishme të botës.
Marrëveshja, është nënshkruar më 2015, midis Iranit dhe gjashtë fuqive ndërkombëtare - Mbretërisë së Bashkuar, SHBA, Rusia, Franca, Gjermania dhe Kina.
Kjo marrëveshje imponoi kufizimin e programit bërthamor të Iranit në këmbim të lehtësimit të sanksioneve ndërkombëtare.
Nga ana tjetër, në një fjalim luftarak të premten, zoti Trump e quajti Iranin një "regjim fanatik" dhe tha se ai kishte shkelur kushtet e marrëveshjes.
Ai akuzoi Iranin për sponsorizimin e terrorizmit dhe propozoi sanksione të reja.
"Ne nuk do të vazhdojmë në një rrugë ku përfundimi i parashikueshëm është më shumë dhunë, më shumë terror, dhe kërcënim shumë real për shpërthimin bërthamor të Iranit", tha ai.
