Spanja do të fillojë pezullimin e autonomisë së Katalonisë nga e shtuna, pasi lideri i rajonit po kërcënon të shpallë pavarësinë, raporton BBC, përcjell “Bota sot”.
Qeveria thotë se ministrat do të takohen për të aktivizuar nenin 155 të kushtetutës, duke e lejuar që të merret përsipër drejtimi i rajonit.
Kreu i Katalonisë tha se parlamenti i rajonit do të votojë për pavarësinë nëse Spanja vazhdon "represionin".
Katalonasit votuan për t'u shkëputur në një referendum të nxjerrë jashtë ligjit nga Spanja.
Gjykata supreme e Spanjës e shpalli referendumin e paligjshëm duke thënë se bien ndesh me kushtetutën, e cila e përshkruan vendin si të pandashëm.
