Një aeroplan pasagjerësh me rreth 52 pasagjerë dhe 4 anëtar të ekuipazhit në bord, u detyrua të bëjë ulje të detyrueshme në aeroportin ndërkombëtar në Belfast, pasi kishte fluturuar për dy orë për të harxhuar karburantin.
Aeroplani britanik Q-400 “Flybe”, fluturoi nga Belfast për në Skoci, por u detyrua të kthehet sërish në Belfast për të bërë ulje të detyrueshme.
Siç raporton kompania ajrore “Flybe”, një pasagjer është dërguar për trajtim në spital, ndërsa nuk ka raportime për të lënduar të tjerë.
Aeroplani u detyrua të aterroi pas një defekti që ka ndodhur pas nisjes së aeroplanit, ndërsa për të bërë aterrimin u detyruan ta harxhojnë tërë karburantin, për të mos pësuar.
