Agjencia shtetërore e lajmeve në Turqi tha se autoritetet atje kanë arrestuar dhjetë militantë të dyshuar të Shtetit Islamik, përfshirë një lider të dyshuar.
Anadolu tha të premten se të dyshuarit janë kapur në operacione në qytetin Kajseri, në pjesën qendrore, dhe në Gaziantep, pranë kufirit me Sirinë.
Guvernaori i Kajserit, Sulejman Kamci, tha se militanti i dyshuar i Shtetit Islamik, i njohur si “ministër i bujqësisë i grupit”, është kapur në këtë qyetet.
Anadolu e ka identifikuar atë si Tarik A., por nuk ka dhënë më shumë detaje.
Turqia ka pësuar disa sulme vdekjeprurëse, për të cilat e ka marrë përgjegjësinë Shteti Islamik.
Në natën e Vitit të Ri, vitin e kaluar, në një sulm të Shtetit Islamik në një klub nate në Stamboll janë vrarë 39 veta.
