Gazetarët prestigjozë të Francës filluan një protestë interesante.
14 gazetarë francezë birësuan 14 gazetarë nga Turqia, të cilët aktualisht janë të burgosur në Turqi.
Duke i dërguar edhe nga një letër kolegëve të tyre turq, ata janë shprehur se protesta e tyre do të zgjerohet dhe do ta vazhdojnë protestën derisa gjykata të jap vendimin.
Lista e gazetarëve francez dhe turq:
Sorj Chalandon (Ahmet Sik), Catherine Clement (Çagdas Erdogan), Florence Aubenas (Cihan Acar), Fabienne Sintes (Zehra Dogan), Elise Luce ( Aysenur Parildak), Edëy Plenel (Tunca Ogreten), Bernard Pivot (Turhan Gunay), Annick Cojean (Kadri Gursel), Marie-Monique Robin (Meltem Oktay), Patrick de Saint-Exupery ( Inan Kizilkaya), Pierre Haski (Ahmet Altan), Jean-Xavier de Lestrade (Kazim Kizil), Jean-Claude Guillebaud (Mehmet Altan), Plantu (Musa Kart)
Nga gazetari Sorj Chalandon për Ahmet Sik
Nuk e di se çfarë dëshire mund të ketë një njeri për dikë që është pas hekurave. Sikur të isha i lirë, ta shpërtheja gjithë urrejtjen përpara telave (të burgut) Silivri. Sikur të isha zog e të fluturoja mbi qytet, t’i çaja retë dhe të zbrisja drejt burgut. Sikur të isha erë e të fryja, poshtë sirtarit të madh e të ulërija. Sikur të merrja fuqi nga uji, kripa e rëra e Marmarasë, po ashtu nga shirat që do të bien, dhe të fryeja në muret e burgut derisa të dridheshin.
Le të bëhem njeri i lirë, zog apo erë, për ty kam vetëm një dëshirë, dhe ajo është drejtësia.
Nuk je vetëm Ahmet. Familja, të afërmit, shokët që ke në Turqi dhe në të katër anët e botës, ne të gjithe jemi roje të lirisë tënde të privuar, jemi zogjtë që të fluturojë mbi krye dhe era që fryen.
Të qeshurat e fëmijëve tuj, do të bëjnë që t’i harrosh vuajtjet e kësaj padrejtësie.
