Presidenti francez, Emmanuel Macron përbën një mundësi historike për të çuar përpara projektin evropian dhe në mënyrë të veçantë për të riforcuar zonën euro, theksoi kreu i diplomacisë gjermane, Sigmar Gabriel me rastin e 55-vjetorit të Traktatit të Elysesë.
“Ne duhet të përdorim mundësinë historike që kemi tashmë me këtë evropian të bindur, i cili është Emmanuel Macron”, nënvizoi social-demokrati, Sigmar Gabriel në një deklaratë.
Sipas tij, kjo nënkupton avancimin në reformën e Bashkimit Ekonomik dhe Monetar, çështje për të cilën presidenti francez ka bërë disa propozime konkrete, si krijimi i një buxheti në zonën euro, i një ministri Financash dhe i një Parlamenti.
“Duhet progres gjithashtu kur bëhet fjalë për ta bërë Evropën më të qëndrueshme dhe më të drejtë”, shtoi ministri gjerman i Punëve të Jashtme.