Varfëria e debateve zgjedhore po ”vret” italishten

Evropë

Varfëria e debateve zgjedhore po ”vret” italishten

Më: 21 janar 2018 Në ora: 23:38
Di Maio, kandidat për kryeministër, nuk di të përdorë mënyrën lidhore

Zgjedhjet legjislative të 4 marsit në Itali po “vrasin” italishten, veçanërisht për shkak të gjuhës së varfër të përdorur në debate, theksoi sot presidenti i Akademisë të Cruscas, Claudio Marazzini.

Kjo akademi, themeluar në shekullin XVI ka për qëllim të ruajë dhe të studiojë gjuhën italiane.

“Një nga të këqijat më të mëdha të kësaj fushate zgjedhore është reduktimi i mesazhit zgjedhor në slogane”, konfirmoi profesor Marazzini në një intervistë për të përditshmen “La Stampa”.

“Frazat si “ndihmoni imigrantët” (…) apo “Italianët tashmë” janë tituj të lënë në mënyrë të vullnetshme pa një arsyetim të plotë”, thekson akademiku.

Pyetur mbi faktin nëse gjuha boshe korrespondon me një politikë boshe, Marazzini përgjigjet se është shumë herët për ta thënë këtë, por, për momentin po vrasim gjuhën italiane.

Mes të akuzuarve kryesorë bën pjesë Luigi Di Maio, kandidati i populistëve të Lëvizjes Pesë Yjet (M5S) për postin e kryeministrit, i cili është bërë i njohur në Itali për mungesën e përdorimit të mënyrës lidhore.

“Këto paradokse (gabimet gjuhësore në përdorimin e mënyrës lidhores) meritojnë një fjalim të veçantë, sepse duke dalë nga goja e kandidatit për postin e kryeministrit të M5S ato bëhen një manifest politik”, thekson eksperti duke shtuar se nëpërmjet kësaj mënyre “Di Maio thotë (për zgjedhësit) “e keqtrajtoj gjuhën italiane ashtu si ju, unë nuk jam një anëtar i kastës së politikanëve”.

M5S filloi në vitin 2007 në arenën politike me manifestime masive kundër klasës politike duke e cilësuar “Vaffanculo Day” dhe 10 vjet më pas regjistri i gjuhës mbetet i njëjtë.

commentFirst article
Sot mund të lexoni Shfletoni kopertinat