Pavarësisht vendimit të gjykatës, IOC nuk fton në gara 15 rusë të tjerë

Evropë

Pavarësisht vendimit të gjykatës, IOC nuk fton në gara 15 rusë të tjerë

Më: 5 shkurt 2018 Në ora: 07:29
Një tifoze duke mbajtur flamurin rus, para logos së Komitetit Olimpik Ndërkombëtar, foto nga arkivi

Komiteti Olimpik Ndërkombëtar (IOC), ka deklaruar më 4 shkurt se nuk do t’i ftojë 15 atletë të tjerë rusë, suspendimet e të cilëve janë larguar për Lojërat Olimpike Dimërore që do të mbahen në Korenë Jugore.

Atletët janë në mesin e 28 rusëve, të cilët kanë pasur ndalime të përjetshme për doping.

Mirëpo Gjykata e Arbitrazhit për Sport (CAS), ka vendosur t’i heqë këto ndalime.

Sipas saj nuk ka pasur të dhëna të mjaftueshme se atletët kanë përfituar nga sistemi i dopingut që është sponsoruar nga shteti në Lojërat Olimpike Dimërore të vitit 2014 që janë mbajtur në Soçi.

Komiteti Olimpik rus që tanimë është i suspenduar ka thënë së dëshiron të dërgojë 15 nga 28 atletët në Pjongçang për të qenë pjesë e Atletëve Olimpikë nga Rusia (OAR), nën flamurin olimpik.

Mirëpo IOC ka thënë përmes një deklarate se ka refuzuar kërkesën.

Gara në Lojërat Olimpike zyrtarisht fillon më 7 shkurt, ndërsa ceremonia e hapjes do të mbahet më 9 shkurt.

Komiteti Olimpik Ndërkombëtar ka ftuar më herët 169 rusë për të garuar nën flamurin neutral.

Sot mund të lexoni Shfletoni kopertinat