Schulz tërhiqet për shkak të mospajtimeve për koalicion me kancelaren Merkel - Bota Sot
Schulz tërhiqet për shkak të mospajtimeve për koalicion me kancelaren Merkel

Evropë

E mërkurë, 19 shtator 2018

Schulz tërhiqet për shkak të mospajtimeve për koalicion me kancelaren Merkel

Më: 14 shkurt 2018 Në ora: 08:57
Martin Schulz në konferencën e djeshme për gazetarë në Berlin

Lideri i Partisë Socialdemokrate (SPD) të Gjermanisë, Martin Schulz, thotë se menjëherë tërhiqet nga kjo pozitë për të lejuar ripërtirje në këtë parti.

Udhëheqësit e kësaj partie të qendrës së majtë, thanë dje se lider i përkohshëm deri në kongresin e partisë më 22 prill, do të jetë kryetari i qytetit të Hamburgut, Olaf Scholz.

Martin Schulz, 62 vjeçar, u tha gazetarëve se udhëheqja e partisë unanimisht e ka nominuar shefen e grupit parlamentar të kësaj partie, Andrea Nahles, 47 vjeçare, për ta zëvendësuar atë në krye të partisë. Kandidatura e saj duhet të miratohet në mbledhjen e kongresit.

Dorëheqja e zotit Schulz ishte pritur gjërësisht, pasi ai është tërhequr nga plani për tu bërë ministër i jashtëm i Gjermanisë, në koalicionin e ri qeverisës me konservatorët e kancelares, Angela Merkel.

Shumë anëtarë të SPD-së ishin të zhgënjyer me këtë plan, me të cilin do të përfundonte paqartësia politike katërmujore, pasi partia e zonjës Merkel nuk ia doli ta sigurojë shumicën e votave në zgjedhjet e fundit parlamentare.

Sot mund të lexoni Shfletoni kopertinat
Sondazh
test