Athina i ankohet BE-së për ushtarakët grekë të arrestuar në Turqi - Bota Sot
Athina i ankohet BE-së për ushtarakët grekë të arrestuar në Turqi

Evropë

E diel, 24 qershor 2018

Athina i ankohet BE-së për ushtarakët grekë të arrestuar në Turqi

Më: 6 mars 2018 Në ora: 16:16
Panos Kamenos

Greqia i është ankuar sot Bashkimit Europian lidhur me arrestimin e zgjatur të ushtarakëve të saj, të kryera nga Turqia, deklaroi ministri grek i Mbrojtjes, c.

“Kjo është një çështje që i përket BE-së”, deklaroi Kamenos për gazetarët grekë, në Bruksel duke shtuar se ai kishte informuar shefen e Politikës së Jashtme dhe Sigurisë të BE-së, Federica Mogherini.

Turqia ndaloi dy ushtarakë grekë, javën e kaluar pasi kaluan kufirin e përbashkët dhe më vonë i arrestoi ata duke i akuzuar për spiunazh.

Ushtarakët thanë se po ndiqnin gjurmët e këmbëve në dëborë , ndoshta të migrantëve dhe aksidentalisht kishin kaluar vijën kufitare.

Kamenos deklaroi se ai synon ta diskutojë çështjen edhe me NATO-n, ku Greqia dhe Turqia janë anëtare.

Greqia është gjithashtu pjesë e BE-së, ndryshe nga Turqia, e cila ka shprehur interesin e saj për t’u bërë pjesë e Bashkimit Europian.

Pavarësisht partneritetit të tyre në NATO, fqinjët kanë një histori të gjatë konflikti dhe tensionesh mes tyre.

Sot mund të lexoni Shfletoni kopertinat
Sondazh
test