Ambasada turke në Danimarkë sulmohet me koktej molotovi. "Ende askush nuk është arrestuar", thonë zyrtarët policor.
Së paku dy persona e kanë sulmuar ambasadën turke në Kopenhagë me koktej molotovi të hënën në orët e hershme të mëngjesit. Sulmi ka shkaktuar dëme të vogla në pjesën e jashtme të ndërtesës, por për fat nuk ka të lënduar, shkruan Reuters.
Në kohën e sulmit, ndërtesa e ambasadës ishte e zbrazët. Policia ka dal në vendin e ngjarjes dhe po e heton rastin. Tani për tani askush nuk është arrestuar, kanë thënë zyrtarët policor për Reuters-in.
