Itali, arrestohen 19 anëtarë të Camorras e Ndranghetas, mes tyre edhe shqiptarë

Evropë

Itali, arrestohen 19 anëtarë të Camorras e Ndranghetas, mes tyre edhe shqiptarë

Më: 21 mars 2018 Në ora: 10:49
Ilustrim

19 persona janë arrestuar në një operacion të policisë Italiane në Romë dhe Napoli, duke sekuestruar armë dhe kokainë.

Mediat italiane raportojnë se mes të ndaluarve është edhe një grua e disa shqiptarë, por pa dhënë detaje të mëtejshme rreth identitetit të tyre.

Dy grupet që u goditën nga policia italiane janë të lidhura njëra me ‘Camorra’-n dhe tjetra me ‘Ndrangheta’-n. Nga hetimet rezultoi se dy grupet bashkëpunonin për shpërndarjen e kokainës, ndërsa trafikonin edhe armë.

Hetimet kishin konstatuar funksionimin e dy organizatave të ndara kriminale, të armatosura dhe të dedikuara për trafikimin e drogës, në një bashkëpunim të ngushtë me njëra-tjetrën, nga të cilat njëra udhëhiqej nga vëllezërit Salvatore dhe Geni Esposito, bijtë e Luigi të quajtur ‘Nacchella’, dhe tjetri i udhëhequr nga Vincenzo Polito, i cili përdorte bashkëpunimin e anëtarëve të ‘Ndranghetas në Reggio Calabria, familjet Filippone dhe Gallico, raporton La Repubblica.

commentFirst article
Sot mund të lexoni Shfletoni kopertinat