Merkel kritikon Turqinë për ofensivën në Afrin

Evropë

Merkel kritikon Turqinë për ofensivën në Afrin

Më: 21 mars 2018 Në ora: 14:24
Kancelarja gjermane, Angela Merkel

Kancelarja gjermane, Angela Merkel ka kritikuar ofensivën e ushtrisë turke ndaj militantëve kurdë, në qytetin sirian, Afrin.

“Pavarësisht, interesave legjitime që ka Turqia mbi sigurinë, është e papranueshme ajo çfarë po ndodh në Afrin, ku mijëra civilë po përndiqen, po vdesin ose po detyrohen të largohen”, ka thënë Merkel, gjatë fjalimit në Parlament.

“Ne dënojmë fuqishëm këto veprime”, ka shtuar tutje ajo.

Turqia ka nisur ofensivë ushtarake në Afrin, kundër militantëve kurdë të Sirisë, të cilët i konsidereron terroristë. Ankaraja thotë se ata kanë lidhje me kryengritësit kurdë brenda Turqisë.

Ankaraja ka deklaruar se ka marrë nën kontroll qytetin Afrin të Sirisë.

Sot mund të lexoni Shfletoni kopertinat