Turqia thotë se SHBA duhet të shqetësohet për zgjedhjet e saj

Evropë

Turqia thotë se SHBA duhet të shqetësohet për zgjedhjet e saj

Më: 20 prill 2018 Në ora: 15:23
Binali Yildirim

Kryeministri i Turiqsë, Binali Yildirim, tha se Shtetet e Bashkuara kanë hedhur dyshime mbi ndershmërinë e zgjedhjeve të parakohshme në Turqi, por shtoi se SHBA-ja duhet të përqendrohet në shqetësimet e elektoratit të saj, pas ndërhyrjes së dyshuar të Rusisë.

"Ata duhet të shohin veten së pari. Ka kaluar një vit e gjysmë nga zgjedhjet në Amerikë dhe debatet nëse ka pasur mashtrime dhe parregullsi nuk kanë marrë fund ende", tha Yildirim.

Një ditë më parë, zëdhënësja e Departamentit amerikan të Shtetit, Heather Nauert, tha se "do të jetë vështirë të mbahen zgjedhje të lira, të drejta dhe transparente" për shkak të gjendjes së jashtëzakonshme në Turqi, e cila është në fuqi tash gati dy vjet.

Inteligjenca në SHBA ka konstatuar se Rusia ka ndërhyrë në zgjedhjet presidenciale atje në vitin 2016, në favor të zgjedhjes së Donald Trumpit president.

Një varg hetimesh për këtë çështje janë në zhvillim e sipër.

Sot mund të lexoni Shfletoni kopertinat