Në një letër dërguar anëtarëve të Këshillit Europian para samitit të rëndësishëm të Sofjes, presidenti Donald Tusk thotë se pas vizitës së fundit në Ballkanin Perëndimor, BE është partneri i vetëm që kujdeset vërtetë për stabilitetin e të gjithë rajonit.
Madje ai thotë ndryshe nga sa trajtohet si një lojë gjeopolitike shahu, ku njerëzit janë gurët.
“Në ditët e ardhshme, ne do të takohemi me partnerët tanë të Ballkanit Perëndimor, për herë të parë të gjithë bashkë pas 15 vitesh. Pas udhëtimit tim të fundit në rajon, jam i bindur që BE është partneri i vetëm që kujdeset vërtetë për stabilitetin e të gjithë rajonit, dhe për një të ardhme të begatë për popujt e saj, në krahasim me trajtimin e kësaj çështje si një lojë gjeopolitike shahu, ku njerëzit janë gurët. Perspektiva europiane për Ballkanin Perëndimor mbetet një angazhim i vendosur nga të dyja palët. Por pavarësisht nga deklaratat politike për të ardhmen, ne duhet të tregojmë se kujdesemi për zhvillimin ekonominë të Ballkanit Perëndimor këtu dhe tani. Investimi në lidhjet infrastrukturore dhe njerëzore me dhe brenda rajonit të Ballkanit Perëndimor është në interesin më të mirë të BE. Dhe objektivi i samitit tonë është ta sigurojmë këtë”, thuhet në letrën e Tusk.
