Gazetat e shtypura ditore në Gjermani lexohen çdo ditë nga rreth 40 milionë qytetarë ose 1.3 milion më pak se në të njëjtën periudhë të vitit të kaluar, bëri sot të ditur agjencia e analizës mediale AGMA.
Sipas të dhënave të fundit, 55.8 për qind e popullsisë së rritur të Gjermanisë mbi 14-vjeç lexon gazetat ditore.
Gazeta më e lexuar është "Bild" me 9.42 milionë lexues, pasuar dukshëm më mbrapa nga "Süddeutsche Zeitung" me 1.25 milion dhe "Frankfurter Allgemeine Zeitung " me 760.000 lexues.
Përdoruesit e edicionit online të gazetave ditore nuk morën pjesë në anketë.
