Nënshkruhet kontrata, Ferizaj do të bëhet me spital - Bota Sot
Nënshkruhet kontrata, Ferizaj do të bëhet me spital

Ferizaj

E diel, 25 shkurt 2018

Nënshkruhet kontrata, Ferizaj do të bëhet me spital

Më: 25 janar 2018 Në ora: 14:40
Uran Ismaili ka nënshkruar sot kontratën për Spitalin e Ferizajt

Ministri i Shëndetësisë, Uran Ismaili, ka nënshkruar sot kontratën për Spitalin e Ferizajt, e cila i hap rrugë fillimit të punimeve për ndërtimin e këtij spitali që është zvarritur tani e disa vite.

Ai tha se nënshkrimi i kësaj kontrate është një lajm i mirë për qytetarët e Ferizajt, të cilëve u ka munguar një spital i denjë ku ata do të merrnin shërbimet profesionale, të cilat i meritojnë.

“Ky është një lajm shumë i mirë për qytetin e Ferizajt dhe qytetarët e tij. Atyre u ka munguar një spital për shumë vite. Unë iu pata premtuar qytetarëve të Ferizajt që posa ta marr detyrën do ta shtyj përpara këtë proces, dhe sot kjo u bë realitet”, ka thënë ministri Ismaili.

Nënshkrimi i kësaj kontrate tashmë u hap rrugë punimeve për ndërtimin e spitalit, i cili pritet të përfundojë brenda tri vjetëve.

“Ky projekt është paraparë të përfundojë brenda tri vjetëve, pra brenda këtij mandati qeverisës. Kurse, unë do të jem garantues i respektimit të afateve ligjore, pasi që ky projekt mjaft është zvarritur”, ka përfunduar ministri Ismajli.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
    test