Si pasojë e reshjeve të mëdha të shiut që kanë përfshirë sot rajonin e Ferizajt, janë bllokuar disa rrugë si pasojë e vërshimeve të ujit dhe shembjeve të dheut.
Bllokimit të rrugës kishte në magjistralen Prishtinë – Ferizaj, si pasojë e vërshimeve të ujit, për të cilën ka njoftuar ministri i Infrastrukturës, Pal Lekaj.
Bllokim të rrugës ka pasur edhe në fshatin Brod të Shterpcës, ku si pasojë e shirave të mëdha, ka pasur rrëshqitje të dheut dhe gurëve në rrugë.
Siç njofton Policia, rruga tani është hapur, ndërsa u kërkohet drejtuesve të automjeteve që të kenë kujdes gjatë qarkullimit në këtë aks rrugor, pasi që mund të ketë shembje të dheut apo gurëve.