Kryetari i Komunës së Ferizajt, Agim Aliu ka pritur në takim anëtarët e Bordit të ri të KF Ferizaj të prirë nga kryetari Fisnik Bucaliu, me ç ‘rast u diskutua për organizimin e klubit dhe përgatitjet për Superligë si dhe sponsorizimet në klub me qëllim ecjen përpara në gara.
Anëtarët e Bordit të ri të Klubit të Futbollit Ferizaj janë: Fisnik Bucaliu, kryetar ; anëtarë, Mustafa Grainca, Sadush Rysha, Naser Hoxha, Blerim Hyseni, Arian Imeri dhe Fatmir Reshani .
I pari i Ferizajt siguroi Bordin e ri të KF Ferizaj se do të kenë mbështetjen e plotë të institucionit të Komunës sa i përket financimeve dhe mbështetjes teknike në operacionalizimin e klubit, me qëllim arritjen e sukseseve dhe rikthimin e famës së dikurshme të Klubit të Futbollit Ferizaj.
