Tashmë kanë kaluar 10 vite që kur aktori i famshëm nga Australia, Heath Ledger ka vdekur nga mbidoza aksidentale e drogës, por bota nuk e ka harruar atë, shkruan The Huffingtonpost.
Aktori është subjekti i një dokumentari të ri që do të lansohet së shpejti, të titulluar “I Am Heath Ledger”. Videoja paralajmëruese e këtij dokumentari e cila është publikuar ditën e martë nga Spike, përfshinë intervista me miqtë, familjen dhe shokët nga Hollywoodi.
Në video janë përmbledhur momentet më interesante nga jeta e tij si dhe disa nga filmat e tij më të suksesshëm.
Heath Ledger ka luajtur në shumë filma të njohur si “10 Things I Hate About You”, “Brokeback Mountain”, “A Knights Tale”, e shumë të tjerë, por suksesi i tij më i madh u arrit me filmin “A Dark Knight”, përkatësisht rolin e tij si “Joker”.
