Aksidenti me pasoja të tmerrshme i Michael Schumacher po bën tre vjet që ka ndodhur (29 dhjetor). Schumi vazhdon fazën e riaftësimit në shtëpinë e tij në Gland të Zvicrës. Tani është bërë e ditur se ka një foto të ish-kampionit të F1, e shkrepur kohët e fundit dhe personi që e ka thuhet se e ka hedhur në shitje për 1 milionë euro, këtë raporton RTL-Portal vip.de. Prokuroria ka nisur hetimet pasi mendohet se foto, e cila thuhet të jetë në shitje, cënon privatësinë e Michael Schumacher.
Fotoja mendohet se tregon Schumacher në krevat dhe mesa duket është shkrepur nga shumë pranë të sëmurit. Menaxherja e ish-pilotit Sabine Kehm konfirmon për Motorsport-Magazin.com se ka bërë tashmë denoncimin. Michael Schumacher qëndroi për muaj të tërë në gjendje kome pas aksidentit fatkeq në malet e Meribel. “Shëndeti i Schumacher nuk është një temë publike, kështu që do të vazhdojmë të mos prononcohemi për këtë çështje. Duhet të mbrojmë sferën private të Schumacher,” është shprehur menaxherja.
