Piloti gjerman i Ferrarit, Sebastian Vettel, nuk ka asnjë dyshim se makina e re do të jetë në gjendje të sfidojë rivalët e tjera për titull në Formula 1. “Kur shoh atë që ndodhi sezonin e kaluar jam i bindur se Ferrari është në rrugën e duhur. Kemi mësuar shumë, por edhe kemi punuar shumë për të ardhmen. Skuadra e ka nisur punën dhe shoh se këtë vit jemi më përpara me përgatitjet. Ndaj, jam i bindur se do t’i arrijmë të gjitha objektivat që i kemi vënë vetes. Unë kam ende shumë besim te projekti im për t’u shpallur kampion bote me Ferrarin dhe dua ta realizoj atë”, ka thënë Vettel.