Sezoni nisi në mënyrën më të mirë të mundshme, por gara e fundit në Jerez ishte një dështim për Rossin. “Megjithatë, jam ende i pari dhe në fund të një sezoni kjo ka më shumë rëndësi”, u shpreh piloti italian i Yamaha, Valentino Rossi, që pas tri garash të MotoGP është ende në krye të renditjes.
Ikona e garave të motoçiklizmit bën një përmbledhje të situatës, duke u shprehur se në përgjithësi sezoni është pozitiv edhe pse ende nuk e ka shijuar fitoren e parë: “Herët a vonë besoj se edhe fitorja e parë do të vijë. Shpresoj sa më shpejt”.
