Piloti Fernando Alonso është shumë pranë rinovimit me McLaren-in. Konfirmimi vjen nga shefi i garave të skuadrës angleze Eric Boullier. Piloti spanjoll kishte deklaruar shpeshherë në media se nëse McLaren do të ndërtonte një makinë kompetitive për sezonin e ardhshëm ai do të zgjaste marrëveshjen e tij me skuadrën me qendër në Woking. Në një intervistë Eric Bouillier konfirmoi dëshirën e Alonsos: “Fernando dëshiron të qëndrojë me ne edhe sezonin e ardhshëm, diçka e tillë lexohet në fytyrën e tij dhe nga mënyra sesi flet, ai nuk dëshiron ti japë lamtumirën skuadrës, duhet të sistemojmë vetëm disa detaje mbi çështjet e marketingut për rinovimin e tij”.
