Hamilton, 4 herë kampion bote në Formula 1 - Bota Sot
Hamilton, 4 herë kampion bote në Formula 1

Formula 1

E mërkurë, 13 dhjetor 2017

Hamilton, 4 herë kampion bote në Formula 1

Më: 29 tetor 2017 Në ora: 23:57
Hamilton, 4 herë kampion bote në Formula 1

Britaniku Hamilton ka fituar trofeun e katërt personal në Formula 1, duke barazuar me tituj edhe rivalin e këtij sezoni, Sebastian Vettel.

Me 4 tituj në Formula 1, Hamilton bëhet edhe piloti britanik më i suksesshëm në një prej sporteve më të ndjekura në botë.

Ka nisur ashtu siç nuk mund të pritej kurrë gara për Çmimin e Madh të Meksikës, me dy pretendentët Vettel dhe Hamilton që pa mbaruar xhiroja e parë e kanë parë veten në dy vendet e fundit.

Vettel tentoi gjithçka për t’ia dalë mbanë duke e përfunduar garën në vendin e katërt, por nuk ka marrë pikët e nevojshme për të qenë akoma në garë me pilotin britanik. Ndërsa janë edhe 2 gara për t’u zhvilluar, diferenca mes 2 pilotëve është 56 pikë nga 50 që janë akoma në lojë.

Ende pa zbritur nga makina piloti britanik ka marrë urime nga skuderia e tij, por edhe nga shoku i tij Neymar, i cili ka udhëtuar drejt Meksikës për të ndjekur garën e mikut të tij.

Image

Incidenti
Vettel nisej i pari, por Verstappen e ka parakaluar duke pasur edhe një kontakt mes tyre, piloti i Ferrarit është parakaluar menjëherë edhe nga Hamilton. Në kthesë ka pasur një tjetër kontakt, këtë herë mes Vettel dhe Hamilton, ku pjesa e përparme e Ferrarit është shpërbërë kur ka kapur në gomën e Mercedesit të Hamilton.

Sot mund të lexoni Shfletoni kopertinat
Sondazh
    test