Piloti britanik i Mercedesit, Lewis Hamilton duket se i ka idetë e qarta për të ardhmen. Ai ka konfirmuar se do të vijojë bashkëpunimin me Mercedesin, me synimin për të fituar të tjerë tituj kampionë. “Nuk ka ende asgjë zyrtare, por mund t’ju konfirmoj se në harkun kohor të këtij sezoni, do të vijë edhe rinovimi im me Mercedesin. Jemi duke folur dhe marrëdhëniet tona janë shumë të mira. Mund të them se që të dy palët kemi të njëjtat synime, të fitojmë gjithmonë dhe kjo është më e rëndësishme për të ardhmen. Edhe këtë sezon do të synojmë të fitojmë gjithçka, edhe titullin për pilotë, por edhe atë për konstruktorë”, tha Hamilton.
