“Fernando Alonso është një nga pilotët më të mirë të historisë së Formula 1, por shpesh ka marrë vendimet e gabuara. Ashtu sikurse bëri edhe këtë herë, që vendosi të largohet nga ky sport. Nuk mund të jesh kurrë i famshëm në garat e automobilizmit po nuk garove në Formula 1”, tha Bernie Ecclestone, ish-pronari i këtij sporti. “Karriera e Fernando është karakterizuar shpesh nga të tilla vendime. Mund të qëndronte këtu sërish, por të shohim se çfarë drejtimi do të marrë karriera e tij jashtë Formula 1. Një pilot që këtu do të bënte shumë punë, si për këtë sport ashtu dhe për veten e tij”, tha ai.
