Skuadra e Gjilanit mëton të përforcohet me futbollistë cilësorë për edicionin e ri. Klubi që ka për kryetrajner Arbnor Morinën shikon me shumë kujdes tregun dhe synon të sjell lojtar me cilësi. Drejtuesit e këtij klubit bëjnë të ditur se janë përforcuar me një futbollist portugez. Është fjala për Jorge Teixeiran. “Kemi nënshkruar kontratë me lojtarin portugez i cili po cilësohet nga drejtuesit e klubit mjafte cilësor. Portugezi ka qenë në prova nga java e kaluar dhe me aftësitë e treguar Gjilani ka vendosur të nënshkruaj me të. Teixeira luan si mesfushor ofensivë dhe më parë ka luajtur në ligën portugeze, Portimonense”, thuhet nga klubi gjilanas.
