Pas largimit të Higuain, Napoli nuk do të humbasë edhe një tjetër lojtarë të rëndësishëm. Bëhet fjalë për mbrojtësin e kombëtares shqiptare Elseid Hysaj. Drejtuesit napolitan kanë vendosur një klauzolë deri në 50 milionë euro për prishje të njëanshme të kontratës.
Lajmi bëhet i ditur nga mediat italiane, sipas të cilave, palët kanë rënë dakord pas takimit të fundit për rinovimin e kontratës. Nga kontrata e re, shkodrani pritet të fitojë rreth 1.6 milionë euro në sezon, plus bonuset.
Po aq e rëndësishme është edhe klauzola dhe shifra shumë e lartë e saj, që do të thotë se klubi italian kërkon të largojë përfundimisht nga merkato Elseid Hysaj. Për mbrojtësin ka pasur oferta nga skuadra të ndryshme të Evropës si Bayern, Barcelona dhe Arsenal.
