Partizani nga Tirana do të gjykohet nga një gjyqtari i njohur anglez në sfidën e parë të UEFA Champions League mes Partizanit dhe Salzburgut të martën në mbrëmje në “Elbasan Arena”. Bëhet fjalë për 31-vjeçarin Michael Oliver, i caktuar arbitër kryesor për 90 minutëshin e të kuqve në takimin vendimtar, ndërsa ndihmës të tij do të jenë anglezët Stuart Burt e Adam Nunn. 31-vjeçari Oliver është një gjyqtar i ri por ai ka arritur t’i ngjisë me shpejtësi shkallët e karrierës ku numëron shumë ndeshje në arenën ndërkombëtare. Ai drejton ndeshje në Premier League që prej vitit 2010, ndërsa në FIFA është regjistruar gjatë vitit 2012.
