Dje Arben Çeliku, mjeku i kombëtares shqiptare, publikisht dha dorëheqjen nga stafi mjekësor i kombëtares për arsye personale. Por, në fakt e vërteta e kësaj dorëheqje është krejt tjetër.
Burime pranë “Tele Sport” thonë se arsyeja e vërtetë ka të bëjë më shpërndarjen e padrejtë të premios së kualifikimit prej 1 milion eurosh e akorduar nga Kryeministri Rama.
Siç duket shpërblimi për stafin mjekësor të kombëtares nuk ka qenë në nivelin e duhur, ndaj kanë lindur edhe pakënaqësitë. Çeliku e kishte vendosur prej kohësh që do të largohej nga kombëtarja, por zyrtarizimi ndodhi dje.