Paul Pogba e ka nënshkruar një fanellë të Manchester Unitedit me emrin e tij dhe numrin 6 në të.
Spekulimet të cilat e lidhin Paul Pogban me një kalim në Manchester United kanë vazhduar edhe mëngjesin e sotëm.
Një tifoz i “Djajve të Kuq” ka kërkuar nga mesfushori francez që t’ia nënshkruajë një fanellë të Manchester Unitedit me emrin e Pogbas dhe numrin 6 në të.
Dhe, Pogba ka pranuar ta bëjë një gjë të tillë duke i shtuar edhe më shumë spekulimet për një rikthim në “Old Trafford”.
Për ta bërë edhe më të paqartë situatën, futbollisti i Juves e postoi një fotografi në Instagram para pak çastesh, duke e mohuar lajmin se i ka kryer testet mjekësore te United.
