Sa më shumë i afrohemi fundit të merkatos në Europë aq më shumë shtohen edhe pretendëntët për Gabriel Barbosën, talentin e Santosit që aktualisht është i angazhuar në Olimpiadë me Brazilin. Me Interin dhe Juven që prej kohësh janë në gjurmët e tij dhe me Man. United e Leicester që janë shtuar së fundmi, tashmë edhe Atl. Madridi ka hyrë në garë për talentin 19-vjeçar. Simeone ka nevojë për një sulmues të tillë që mund të mbulojë tëgjitha pozicionet e repartit të avancuar dhe Gabigol do të ishtë goditja perfekte për “los colchoneros”.