Pasi ndali në një barazim 2-2 Monacon në javën e parë, Guingamp surprizoi sërish duke mposhtur 2-1 Olympique Marseille në javën e dytë të Ligue One. Skuadra që drejtohet nga ish trajneri i Paris Saint Germain, Antoine Kombouare në Stade de Roudourou imponoi ritmin e saj që në fillim ndaj miqëve nga Marseille duke zhbllokuar shifrat që në sekondat e para me Salibur i cili shfrytëzoi asistin e Coco për të mposhtur portierin Pele.
Në pjesën e parë nuk ndryshoi më rezultati ndërkohë që në fraksionin e dytë kur të gjithë prisnin, reagimin e Olymique Marseille, në të 58-tën Sorbon shënoi edhe golin e dytë për vendasit duke dyfishuar shifrat.
Aktivizimet e Thauvin, Lopez dhe Leya nga ana e trajnerit Franck Passi ndryshuan disi lojën e Marseilles. Në minutën e 78-të, Florian Thauvin i asistuar nga Maxime Lopez rihapi sfidën duke realizuar e parë për Marseillen në këtë sezon të Ligue 1, por vetëm kaq sepse deri në fund shifrat nuk ndryshuan me Guingamp që mori një trepikësh shumë të rëndësishëm.
