Portieri i Barcelonës ka arritur që të thyejë një rekord në futbollin spanjoll.
Largimi i Claudio Bravos në drejtim të Manchester Cityt, i ka hapur rrugën portierit gjerman, Marc Andre Ter Stegen që të jetë i pari në portën e katalanasve, pasi që në dy vitet e para ka regjistruar vetëm tetë paraqitje në La Liga.
Në duelin që Barça e ka fituar ndaj Athletic Bilbaos në stadiumin ‘San Mames’ me rezultat minimal 1:0, gjermani ka hyrë në histori, duke regjistruar gjithsejtë 51 pasime të sakta me këmbë.
Nuk është pak për një portier i cili pothuajse tërë kohën ishte nën presion nga sulmuesit e Bilbaos, por ai u tregua gjakftohtë dhe pasimet e tij për bashkëlojtarët ishin shumë të sakta.
Mbi të gjitha Ter Stegen e mbajti portën e paprekur me disa pritje të mrekullueshme, që në fund rezultuan me fitoren e dytë të Barcelonës në La Liga.
